O xoves 23 celebrarase Abocados, un evento que fusiona comida e sons do mundo
21 may 2019 . Actualizado ás 08:19 h.Xoves 23 • 21.00-23.00 horas • A Ferraxería Eventos & Co. (Lugo) • Capacidade limitada. Información e reservas: alejandro\
A «gastromúsica» chega a Lugo a través do evento Abocados, para «degustar, escoitar, sentir e fluír». Trátase dun novo concepto gastromusical ideado por Alejandro Méndez, chef da arrocería Os Cachivaches, e o DJ Mr. Fishman, director da axencia promotora Trasnosound.
Abocados propón unha viaxe sensitiva a través de 10 bocados maridados por tres beberaxes, acompañados por «a mellor música do mundo» e unha presentación «acorde a cada lugar do mundo».
O evento foi concibido como unha cita itinerante, buscando sempre espazos diferentes, máxicos», e cuxo arranque terá lugar este xoves na Ferraxería, cun primeiro capítulo dedicado á comida e música orientais.
Movemento Fingerfood
Os promotores da idea apostan polo movemento gastronómico Fingerfood, traballando con produtos de tempada e frescos 100%, e moveranse por diferentes lugares do mundo (Oriente, África, Latinoamérica, Europa, Centroamérica...), fusionando a comida tradicional coa moderna, respectando ao máximo os tempos e elaboración de cada un dos produtos a utilizar. Musicalmente sucederá o mesmo, todos os sons terán relación coa degustación dos alimentos ou bebidas.
Da imaxe da marca encárgase o equipo de GastroNivel e Filme. Tamén colaboran Vinissi, Doménicus e Novas&Mar.