O lume obrigou a cortar unha estrada que vai a Piornedo
15 oct 2017 . Actualizado ás 13:02 h.O incendio que afecta o municipio de Cervantes segue descontrolado. As chamas hanse avivado durante a noite, e a inquietude entre veciños vai tamén en aumento. A situación obrigou mesmo a cortar unha estrada que conduce a Piornedo, pechada ao tráfico dede ao redor das dez da mañá.
Monte raso pero tamén arboledo é o esnaquizado polas chamas, en cuxa extinción traballaron onte varios helicópteros. Mesmo se desprazou unha brigada procedente de Toledo.