Era a primeira residencia de Galicia orientada a prestar servizo aos emigrantes galegos xubilados
14 novs 2019 . Actualizado ás 05:00 h.A estas alturas de 1986 entraba en funcionamento na Pobra un servizo imprescindible, a residencia da terceira idade. A pesar de que a súa inauguración non tiña lugar ata o 22 de novembro, tal día como hoxe o edificio abría as súas portas para acoller aos seus primeiros inquilinos: un boirense, un veciño de Corrubedo e outro procedente da Fonsagrada. Iso si, xa había cursadas unha decena de peticións para acceder ás prazas ofertadas e as previsións que se manexaban apuntaban a que, antes de finalizar o ano, estarían cubertas as 30 camas que se habilitaron no edificio.
Consuelo Castro García era por aquel entón a directora da residencia pobrense. As instalacións abriron as súas portas como a primeira residencia de Galicia orientada a prestar servizo aos emigrantes galegos xubilados. De feito, cando o edificio foi inaugurado oficialmente anunciouse a inminente chegada de tres usuarios procedentes de terras arxentinas.