Sábado de lecer teatral, ecuestre e musical: actuarán Versoix, Flying Boogaloos e A Tropa do Doutor Milagre, mentres continúa o Salón do Cabalo
09 oct 2021 . Actualizado ás 05:00 h.Música, teatro e salón ecuestre completarán a oferta de lecer para este sábado, que volve estar protagonizada polo San Froilán.
Salón do Cabalo
A feira Equigal, o Salón Internacional do Cabalo en Galicia, continúa desde primeira hora da mañá no Pazo de Feiras e Congresos co Concurso Morfolóxico de Cabalo de Pura Raza Española, que continuará ata o domingo. Ademais, o concurso pódese seguir en directo desde a canle de YouTube Feiras Lugo. Durante os tres fins de semana que dura Equigal (remata o 17) pasarán polo Pazo de Feiras case 250 exemplares, superando os números habituais de participantes.
Visitas ao Vello Cárcere
Doutra banda, O Vello Cárcere continúa con actividades culturais. Quen o desexen poden visitar o centro cultural por libre, ás 11.15, 12.30, 17.00, 18.15, 19.30 e 20.45 horas, ou mediante visitas guiadas, ás 11.15 e 18.15 horas, previa reserva no 982 297 195.
Obradoiros infantís
Ademais, seguen os obradoiros infantís no MIHL, sobre arqueoloxía, de 17.00 a 19.00 horas: o sábado, para as idades de 4 a 7; e o domingo, de 8 a 12. As inscricións poden facerse no 982 297 446.
Onde: MIHL
A que hora: 17.00
Concerto de Versoix
A música seguirá no Club Clavicémbalo, co concerto de Versoix, que actuarán ás 22.30 horas. As entradas pódense adquirir por 10 euros en mutick.com .
Onde: Club Clavicémbalo
A que hora: 22.30
Actuación de Flying Boogaloos
Tamén haberá música no Sen City, co concerto de Flying Boogaloos, ás 21.30 horas.
Onde: Sen City
A que hora: 21.30
Teatro para toda a familia
En canto a Guitiriz , haberá teatro para público familiar na Casa Habaneira, ás 17.30 horas, da man de . A Tropa do Doutor MilagreTrátase dun espectáculo no que maiores e pequenos poderán probar os «efectivos» produtos que o Doutor Milagre leva no seu Expreso. Para esta divertida aventura, o doutor estará acompañado do seu fiel axudante, o pequeno Miñoca, e a exhuberante Madame Bobarí. Música, improvisación, xogo, baile, diversión, comedia e maxia están aseguradas.
Onde: Casa Habaneira
A que hora: 17.30
Exposición en Sarria.
A maiores, na entrada do edificio da ESO do IES Gregorio Fernández de Sarria pódese ver a exposición didáctica itinerante sobre as cantigas do trobador Martínde Padrozelos , de Samos , de finais do século XI e principios do XII. Está aberta ata o día 15, tamén polas tardes para o público en xeral.