A música e o teatro serán protagonistas
30 jul 2021 . Actualizado ás 22:02 h.Teatro, en Castroverde
O circuíto de teatro profesional Á parte, organizado pola Vicepresidencia da Deputación en colaboración con distintos concellos e asociacións, recalará hoxe en Castroverde. A compaña solitaria do Dr. Monifate, que representa unha novidade con respecto ás agrupacións que xa formaron parte do circuíto o pasado ano, actuará hoxe, ás seis da tarde, na Praza do Concello. «Cancións de animais para nenos case normais», é o nome do espectáculo do que poderá gozar toda a familia. Pero o día teatral non remata aquí. Ás nove da noite, Redrum Teatro presentará #2Pilgrims, unha obra que reflexiona acerca da igualdade e a necesidade de concienciación fronte á violencia de xero e que nos últimos días ha percorrido varios puntos da provincia. A actuación, dirixida ás novas xeracións, será no ximnasio do CPI Castroverde.
ONDE: PRAZA DO CONCELLO E XIMNASIO DO CPI CASTROVERDE
A Qué HORAS: A Las 18.00 E A Las 21.00
Actividades fluviais, en Monterroso
En canto ás actividades fluviais propostas pola Deputación, a quenda será hoxe para Monterroso. Estas actividades, que se desenvolverán na área recreativa A Peneda, sucederanse entre as catro e as sete da tarde.
onde: área recreativa a peneda
a que hora: de 16.00 a 19.00
Concertos, en Ribadeo
Xa na costa, Ribadeo vivirá unha nova xornada de «Orballo cultural». Os concertos previstos para hoxe serán os da cantante e poetisa lucense Laura Montagne & Pico Amperio e o da disc jockey con raíz en Santiago, Russinha. Será a partir das sete da tarde no Auditorio de Cabanela.
onde: auditorio de cabanela
a que hora: a partir das 19.00