Bea Sánchez viaxa a Cáceres, pero será dúbida ata os momentos previos ao encontro
27 novs 2020 . Actualizado ás 05:00 h.Tras a derrota do pasado domingo ante o Campus Promete , Carlos Cantero, técnico do CD Ensino, comentou as súas ideas de cara ao partido de hoxe ante o Ao-Qázeres. «Non falamos da Copa [da Reina ]. Só pensamos en facelo ben nos tres partidos que quedan, ir semana a semana, e coa idea na cabeza de gañar os tres encontros», explicou. Con respecto á nova fichaxe, comentou que «Bogicevic está a adaptarse ben», e que «aos poucos irá coñecendo ás compañeiras e o sistema de xogo. Finalmente, con respecto ao ton físico, Cantero comentou que as xogadoras están «ben fisicamente», salvo as internacionais, que «teñen algo de carga muscular». Bea Sánchez viaxou co equipo, pero será dúbida ata antes do encontro.