O turismo que conducía saíuse da vía no quilómetro 65,9 da N-640 e impactou contra unha árbore
25 ene 2020 . Actualizado ás 19:24 h.Unha saída de vía na N-640, á altura do punto quilométrico 65,9, rematou co condutor do vehículo excarcerado. Unha vez liberado, o ferido foi trasladado ao HULA. O 112 Galicia tivo constancia do suceso ás 16:30 horas cando axentes da Garda Civil de Tráfico chamaron para informar dun accidente no concello lucense de Pol, e o condutor necesitaba axuda para poder saír do vehículo.
De inmediato, desde o 112 Galicia informouse a Urxencias Sanitarias de Galicia-061, aos Bombeiros de Vilalba, aos membros de Protección Civil e ao servizo de mantemento da vía. Os bombeiros tiveron que usar material de excarceración para liberar ao único implicado no accidente que, finalmente, puido ser evacuado en ambulancia ao centro hospitalario.
Como produto da saída da vía, o turismo impactou contra unha pequena árbore, quedando varios restos de ramas esparexidos pola estrada nacional