A maior parte de sucesos están relacionados coa retirada árbores e a limpeza en vías danadas por desprendementos de terra que impedían o paso dos coches
22 dic 2019 . Actualizado ás 18:45 h.Fabien deixou un rastreiro de incidencias na provincia de Lugo. A Deputación recibiu máis de 100 avisos en 37 concellos distintos ao longo do sábado. A maior parte dos sucesos están relacionados coa retirada de árbores e a limpeza de vías danadas por desprendementos de terra, que impedían o paso dos coches.
O servizo de Xestión Territorial actuou en estradas que estaban cortadas ao tráfico polos danos que presentaban. Traballaron na LU-P-1701(Castro de Rei), LU-P-0901 (Bóveda) e LU-P-1102 (Cospeito) por inundacións ; e a LU-P-3502 (Navia de Suarna) e LU-P-1408 (Cervantes) por desprendementos de terra e árbores que estaban caídos sobre a estrada.
Entre as estradas provinciais afectadas as incidencias, a Deputación de Lugo actuou na LU-P-3601 (A Fonsagrada ); LU-P-1303 e LU-P-4505 (Folgoso do Courel); LU-P-1408 (Cervantes); LU-P-3502 e LU-P-1901(Navia de Suarna); LU-P-3601 (Negueira de Muñiz); LU-P-3701(As Nogais); LU-P-4504 (Pedrafita do Cebreiro); LU-P-1611 (Begonte, Friol, O Corgo, Guntín, Castro de Rei, Castroverde, Cospeito e Outeiro de Rei); LU-P- 0507 (Baralla); LU-P-0205, LU-P-3103, LU-P- 3101 (Mondoñedo); LU-P-3401, LU-P-3403 (Muras); LU-P-3809 (Ourol); LU-P-3006 (A Pastoriza); LU-P- 3006 (Rábade); LU-P-5505, LU-P-5503, LU-P-5506 (Riotorto); LU-P-0104, LU-P-6507, LU-P-6509 (Vilalba); LU-P-1701 (Castro de Rei); LU-P-1102 (Cospeito); LU-P-0901 (Bóveda).
Tamén foi necesario intervir en varias localizacións nos concellos de Antas de Ulla, Monterroso, Monforte de Lemos, O Saviñao, Becerreá, Lugo, Palas de Rei, Pantón, Quiroga, Sober e Ribas de Sil para atender incidencias relacionados coa caída de árbores sobre distintas vías.