A historia de como Ford lle gañou a Ferrari na mítica proba pódese ver nos Cines Yelmo de Lugo
01 dic 2019 . Actualizado ás 13:20 h.2019?•Estados Unidos• James Mangold• Matt Damon, Christian Bale• O cine norteamericano sempre tivo unha virtude: a súa capacidade narrativa. Desde que Griffith instaurou o modelo e mestres como Ford ou Hawks levárono aos máximos cumes, as películas con factura de Hollywood baseáronse por ter un arranque rápido e trepidante, un guion férreo, uns personaxes atractivos e cunha historia por contar. E para acadar estes obxectivos nunca se escatimaban os medios.
«Lle Mans ‘66» cumpre fielmente este esquema: un produto feito con oficio e con intérpretes de gancho, e ademais, neste caso, falan sobre algo que obsesiona á cultura dos Estados Unidos, a idea do soño americano, de como desde abaixo se pode chegar todo o máis alto do mundo.
Pero tan boas intencións non teñen porque ser sinónimo de calidade artística. E é que Ford ou Hawks son irrepetibles, e para acadar ese tipo de cotas cinematográficas hai que achegar algo máis que sorrisos, bágoas e, neste particular, decibeis de motor. Aínda que a película de Mangold é unha oda ao traballo ben feito en equipo e á amizade (ademais de ser moi respectuosa co motor) carece da alma que os grandes mestres achegaban ás súas historias.
Ao final, o espectador sae da sala co recordo de ter pasado case dúas horas e media de espectáculo ben manufacturado pero carente en todo momento de paixón, co que é tan entretida como olvidable.
•Cines Yelmo •