O consorcio de bombeiros aforrou este ano 600.000 euros e investirá a metade no 2020
LUGO
Mellorará os parques e as condicións de seguridade do persoal
04 dic 2019 . Actualizado ás 22:16 h.O consorcio provincial de bombeiros logrou este ano aforros por un importe de 600.000 euros. Ese detalle permitirá realizar o ano próximo investimentos ás que destinará aproximadamente a metade desa cantidade (335.000), e implicará ademais que as dúas institucións públicas que integran o consorcio, a Deputación e a Xunta, rebaixen a súa achega un cinco por cento. Os investimentos dedicaranse a melloras nos parques, repartidos por toda a provincia, e nas condicións de seguridade do persoal, para o que se comprará diverso material.
A Xunta e a Deputación efectúan senllas achegas de algo máis de dous millóns de euros. O pleno do consorcio celebrou na tarde deste mércores un pleno, no que participaron representantes da Xunta, da Deputación e dos concellos.