Blues e tango despídense da cidade con concertos e milongas. Tamén haberá mercados, espectáculos infantís, cine, exposicións e festas populares
20 jul 2019 . Actualizado ás 20:27 h.O blues e o tango despídense de Lugo, que tamén ofrecerá cine e exposicións.
A cidade amurallada acolle, como cada segundo e terceiro domingo de mes, o tradicional mercado de antigüidades e coleccionismo. Será no fondo da Praza Maior, de 10.00 a 14.00 horas.
No Vello Cárcere continúan as visitas guiadas gratuítas para todos os públicos, ás 12.30 e ás 18.00 horas. Os interesados poden inscribirse en recepción, no 982 297 195 ou no correo vellocarcere\
Tamén no Vello Cárcere continúa funcionando os sábados, domingos e festivos o Espazo de Lecer, para facilitar a conciliación familiar. Hai actividades dirixidas a nenas e nenos de 3 a 8 anos, con monitores, de 11.00 a 14.00 e de 17.30 a 20.30 horas.
Por outra banda, o III Festival Blues Museum de Lugo despídese despois de tres días de concertos, coa actuación da cantante londiniense de blues Izo Fitzroy e a súa banda. Será ás 13.00 horas nos xardíns do MuseoProvincial . A entrada é libre e gratuíta.
Tamén finaliza o X Festival Internacional TangoLiber, cun seminario especializado de tango (11.00h) no Gran Hotel (previa inscrición), e Milonga na Praza, gratis e aberta ao público, de 12.00 a 14.00 horas na Praza Maior, con Magín Daniel López.
En canto ao cine, os Codex Cinema proxectarán Un atardecer na Toscana (18.00h), Diego Maradona (18.30h), Serenity (19.45h), Un amor imposible (21.00h) e A biblioteca dous libros rexeitados (21.45 horas). E nos Cines Cristal teñen en carteleira O rei león (16.00h, 17.00h, 18.15h, 19.30h, 20.40h, 21.45h e 23.00h), Annabelle volve a casa (23.00h), Spider-Man: Lonxe de casa (18.00h), Yesterday (20.40h) e Toy Story 4 (16.00 horas).
O Vermú do Camiño regresa ao municipio de Sarria con concertos e vermú en diferentes puntos do concello. Hoxe chegará ao Paseo do Malecón, con The Sibaritas , de 13.00 a 15.00 horas.
Os máis pequenos da casa poderán gozar dun espectáculo de monicreques en Pedrafita do Cebreiro. Trátase de Camiño de aventuras, a cargo de Monicreques Cachirulo, que presenta unha barraca-retablo cargada de personaxes históricos e fantásticos do Camiño de Santiago. Será ás 13.00 horas na Praza do Concello. Ademais da representación, haberá un obradoiro de marionetas e abrirá unha pequena exposición para mostrar ao público diferentes monicreques e bonecos de personaxes vinculados á tradición xacobea, como Don Gaiferos, a Raíña Lupa, a Raíña Isabel de Castela ou o Demo Lucifer, entre outros.
Meira, pola súa banda, celebrará a I Baixada de Carrilanas Vila de Meira, cuarta proba puntuable para Cópaa Norte do Campionato Galego.
O Club Fluvial de Begonte acolle o I Torneo de Verán Pena Rábade Futbolín, a partir das 16.00 horas, e a Festadá Empanada , con sesión vermú, actuación do grupo tradicional Tirapadiante e sorteos.
En Antas de Ulla celebrarán as festas de SanCristóbal , con pasacalles da Asociación Fiadeira de Antas (11.30h), misa solemne (13.00h), bendición de coches e desfile polas rúas do pobo (13.30h), sesión vermú coa orquestra Essencia e entrega de premios aos coches máis orixinais (14.30h), comida campestre e queimada (15.00h), charanga Eravisto, de Antas, na carballeira e polas rúas do pobo (17.00h), e verbena con Essencia.
Crecente (A Pastoriza), pola súa banda, remata as festas de San Salvador, con misa solemne (14.00h), procesión e sesión vermú co grupo Fenix.
Tamén rematan as festas da Virxe do Carme en Ansemar (Castro de Rei), con misa solemne (13.45h) e sesión vermú co grupo D'Nika.
En Ribadeo , como todos os domingos ata outubro, haberá mercado de produtores locais, na Praza de Abastos.
E San Martiño de Foz finaliza as Festas do Carme con misa solemne (13.30h) e sesión vermú co grupo Epo.K.