París de Noia e Combo Dominicano no San Ramón de Vilalba

Comezan o 21 de agosto coa Xira da 3ª Idade e rematan o 8 de setembro

M.C.
Vilalba / La Voz

As festas patronais do San Ramón e Santa María en Vilalba xa contan co cartel definitivo. Os pratos fortes son a actuación da París de Noia o día 30 de agosto e a do Combo Dominicano o día 5 de setembro. A comisión de festas é a mesma que a do ano anterior, integrada por Charo Carreira e Manuel Prado e seguirán a tónica habitual.

O programa arranca o día 21 de agosto coa festa dos maiores, máis coñecida como Xira da 3ª idade, onde actuarán Dúo Eclipse e Acirema. Ese mesmo fin de semana ten lugar a Xira, onde os máis novos desfrutarán dunha xornada amenizada por Fin de Siglo e Brujas o sábado 24 e Noche de Estrellas o domingo 25. 

A finais da semana seguinte, o xoves 29, celébrase a Festa da Bici, marcada no calendario polos máis pequenos e que fará este ano 26 edicións. A verbena correrá a cargo da Sintonía de Sancovade e ao día seguinte do Dúo Estrellas e París de Noia. O día 30 tamén se celebrará o XLIV Certame Literario.

Os días de San Ramón e Santa María poñerán a música Marbella e La Oca Band e Los Satélites e Miramar. O xoves 5 de setembro é o turno do Combo Dominicano que estará acompañado pola orquesta Claxxon. Vilalba volverá aos 90's e 00's o sábado 7, onde tamén actuará a orquesta Principal. As festas pecharán o domingo 8, día de feira, a cargo de Pontevedra e New York. 

Ao longo da semana tamén haberá actividades infantís para os nenos. 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

París de Noia e Combo Dominicano no San Ramón de Vilalba