Ademais dos actos co gallo das Letras Galegas, haberá degustación de "pan romano", Feira do Viño de Pantón, concertos, xornadas gastronómicas, exposicións e teatro
16 may 2019 . Actualizado ás 12:59 h.Os actos lúdicos que ofrece Lugo o venres 17 inclúen degustación e venda de "pan romano" ou Feira do Viño en Pantón.
As xornadas Exaltacións Gastronómicas... E para comer, Lugo, comezan o venres 17, ata o día 26, no medio centenar de establecementos de hostalería de 23 concellos da provincia. O queixo do Cebreiro, a Tenreira Galega e os grelos de Galicia serán os produtos protagonistas deste mes. Cociñados baixo diferentes estilos, estes ingredientes serán introducidos nos menús dos restaurantes que participan neste programa de promoción gastronómica da provincia. Estes produtos irán acompañados de pan e galletas Daveiga, veu DO Ribeira Sacra e augardentes e licores.
Doutra banda, continúan ata o día 26 os «Días azuis do comercio galego», que organiza a Federación Galega de Comercio, Abanca e a Xunta. Os clientes dos comercios que realicen as súas compras estes días deberán rexistrar o seu billete de compra en www.diasazuis.com ou ben solicitar que a rexistre o propio comerciante. Entre todos os participantes se sortearán, o día 29, un total de 16.200 euros en 80 cartóns prepagamento: 28 de 300 euros e 52 de 150 euros.
No Vello Cárcere continúan as visitas guiadas gratuítas, de 18.00 a 21.00 horas. Os interesados poden inscribirse na recepción ou no 982 297 195.
Tamén continúan os actos do Arde Lucus Cultural, cunha degustación e venda de pan romano. Será de 11.30 a 14.00 horas nos soportais da Praza Maior.
A música chegará ao Jager Lounge ás 22.00 horas co Grupo Faro, que ofrecerá un concerto de rock.
E no Club Clavicémbalo haberá teatro con Lîlâ Teatro, que presenta Rara Avis, a partir das 23.00 horas.
En Xermade continúa a exposición Cos pés na terra, sobre zoqueiros e galocheiros na provincia de Lugo, que poderá visitarse ata o domingo na Escola Habaneira de Roupar, de venres a domingo de 11.00 a 14.00 e de 17.00 a 20.00 horas.
Ademais, en Pantón celebran desde hoxe ata o domingo a Feira do Viño. As casetas dos adegueiros abrirán ás 13.00 horas no Castro de Ferreira. Belén do Campo, directora xeral de Patrimonio Natural, será a encargada de inaugurar a feira ás 19.00 horas. Ademais, haberá concerto de Broken Peach e A Fuga, e actuación das charangas Louband e Brexit.