Löfberg e Sulejmanovic competirán coas súas seleccións no parón ligueiro, mentres que a marcha de Redivo é aínda unha incógnita pero parece inevitable
16 feb 2019 . Actualizado ás 19:33 h.Cando non son as lesións é o virus FIBA. O destino nega ao Cafés Candeas Breogán unhas condicións óptimas de traballo desde o inicio da pretemporada. O cadro lucense afrontará a paréntese ligueira na ACB co sorriso na cara pola balsámica vitoria ante o UCAM Murcia, pero co persoal sensiblemente mermado para preparar o duelo galego ante o Obradoiro co que renovarán a carreira pola permanencia a principios do mes próximo. Segundo fontes do club, Sulejmanovic e Löfberg ausentaranse do equipo unha boa parte do período de descanso para estar nos compromisos das súas seleccións ?Bosnia e Suecia respectivamente? na última xornada das fiestras FIBA, e todo apunta a que Redivo tamén fará as maletas para competir con Arxentina, aínda que o club lucense aínda agarda noticias desde o outro lado do Atlántico.
Gerun queda en Lugo
Pola contra, de Lugo non se moverá Volodymyr Gerun, que estaba citado coa selección de Ucraína pero preferiu quedar e restablecerse das súas molestias nas costas.