É lateral zurdo e procede do Karpaty ucraíno que dirixe o lucense Fabri
22 ene 2019 . Actualizado ás 05:00 h.Xa o advertía Emilio Viqueira na comparecencia matinal para presentar a Toni Martínez. «Será unha semana longa», deixando entrever que a posta de longo do dianteiro murciano non sería a última. E efectivamente, se non se produce un inesperado desencontro de última hora, pola sala de prensa do Anxo Carro pasará esta mañá Orest Lebedenko para lucir como novo xogador do Club Deportivo Lugo. A súa incorporación era unha segredo a voces, pero foi onte á noite cando se resolveu a fichaxe.
Orest Lebedenko é un lateral zurdo ucraíno de 21 anos que procede do Karpaty de Lviv, de onde tamén chegara Kravets e actualmente dirixido polo preparador lucense Fabriciano González, Fabri. Foi internacional sub-21 coa selección do seu país e na presente tempada participou en 13 partidos de liga e 2 de Copa.