O dianteiro francés celebrou o seu gol ao estilo Fortnite
09 abr 2018 . Actualizado ás 11:41 h.Varios dos mellores futbolistas do mundo estanse sumando ás celebracións ao estilo Fortnite, un xogo está a levantar paixóns como nunca.
O Fortnite éun videoxogo gratuíto baseado na supervivencia colaborativa en metade dun mapa xigantesco, con equipos de ata 4 xogadores que teñen á súa disposición armas, obxectos e construcións para desenvolver a partida. A súa modalidade Battle Royale dá a posibilidade de xogar con outros 99 xogadores en partidas dunha gran intensidade.
O último famoso en sumarse á moda foi Antoine Griezmann onte, cando marcou un gol para o Atlético de Madrid fronte ao Sporting de Lisboa na Europa League e realizou o coñecido baile de celebración coa L de perdedor na súa cara:
Sen saír da capital española, Dani Carvajal -Real Madrid- é outro dos declarados fans do videoxogo e tras o encontro do España-Arxentina subiu unha captura de pantalla ás súas redes sociais mostrando a súa partida. Pero a febre tamén chegou a máis competicións, como se pode ver no seguinte vídeo con máis exemplos de celebracións na Bundesliga e a Premier League:
Aínda que se alguén destacou na moda de o Fortnite é o youtuber ElRubius -28 millóns de subscritores-, que fixo historia na rede social de vídeos ao congregar nunha partida a 100 coñecidos influencers chegando a ter unha audiencia dun millón de usuarios conectados ao mesmo tempo.
Unha das últimas novidades do videoxogo foi a súa aparición en versión móbil, cando anteriormente só estaba dispoñible na PC, PS4, Xbox One e Mac.