A construción tivo lugar en China , un dos grandes mercados do sector
15 mares 2018 . Actualizado ás 13:58 h.A localidade chinesa de Chongqing entra na historia por dispor do primeiro gran estadio exclusivo para a actividade de eSports, algo pioneiro en todo o mundo, aínda que se trate dunha tendencia que parece chegar para quedar e que podería verse replicada en máis lugares.
O obxectivo do proxecto é conseguir trasladar as masivas audiencias online dos torneos sobre eSports ao terreo tradicional, coma se dun evento de lecer máis se tratase, por exemplo un partido de fútbol ou de baloncesto. A empresa experta na materia, Newzoo, asegura que 427 millóns de persoas verán algún videoxogo online en 2018. Ademais en 2018 ata 46 millóns de espectadores puxeron os seus ollos nalgún momento durante o Intel Extreme Masters en Katowice (Polonia).
Os precedentes offline tamén son positivos, en 2014, máis de 45.000 fans asistiron ao estadio onde se xogou o Campionato Mundial de League of Legends (Lol) en Seul.
A instalación conta cunha capacidade principal para 7.000 espectadores, aínda que poderá acoller a outros 13.000 extra ao aproveitar os seus espazos dun modo intelixente e adaptable. Á súa vez, as pantallas externas do recinto tamén emitirán as partidas nunha especie de fan zone ao aire libre. Tamén nos arredores se construirá un hotel de luxo e espazo de formación para novos xogadores profesionais.