O alcalde recibiu no Concello a Dani Areán
26 novs 2021 . Actualizado ás 18:02 h.Unha semana despois de proclamarse subcampión de Europa coa selección española de taekuondo, o deportista do Ximnasio Neka, Daniel Areán, recibiu a homenaxe do Concello de Taboada. O seu alcalde, Ramiro Moure, fíxolle entrega dun obsequio co escudo do municipio, felicitándoo por este logro, sin duda, o maior da súa carreira deportiva.
O rexedor fixo fincapé no que significa para o municipio que Areán leve o nome de Taboada por todo o mundo. Moure animouno a continuar adestrando e competindo para regresar canto antes coa medalla de ouro.
O mozo deportista, natural da parroquia de San Mamede, agradeceu este recoñecemento ao alcalde. «Doulle as grazas a Ramiro e a todos vos veciños de Taboada por este recoñecemento. Ou apoio do Concello está a ser fundamental para que poida viaxar e competir. É un orgullo poder representar ao meu axuntamento por España e por Europa», afirma Daniel Areán.
A nova promesa do Ximnasio Neka recoñece que tardou en darse conta do que significa alzarse con todo un subcampeonato de Europa. «Segundo van pasando as horas é cando dásche conta do que fixeches. Estou moi ledo, porque non imaxinaba cando comecei que puidese chegar a conquistar unha medalla nun campionato de Europa», asegura Areán.
Agora, o deportista do Neka está totalmente centrado en clasificarse para o campionato do mundo. «É ou meu soño. Aínda nada está feito, e hai que seguir adestrando forte para conseguir a clasificación», engade.
Para rematar Dani Areán agradeceu ao seu adestrador, José María Vega , todo o traballo que realizou con el para progresar do xeito que o fixo nas últimas tempadas. «Foi clave», conclúe Areán.