A Garda Civil confiscoulle a el e ao seu acompañante, de Monterroso, sesenta gramos de sustancias estupefacientes
23 may 2020 . Actualizado ás 17:55 h.A Garda Civil anunciou este sábado a detención en Antas de Ulla de dous sospeitosos de trapicheo de drogas. Os axentes que practicaron os arrestos confiscáronlles dúas bolsas de plástico que contiñan o que parece ser cocaína e heroína. Os dous detidos son de Taboada e Monterroso, respectivamente.
Segundo a información facilitada pola comandancia da Garda Civil en Lugo, os dous detidos intentaron desfacerse das dúas bolsas cando viron que lles daban o alto para identificalos. Pero os gardas viron como as tiraban e recuperáronas. As sustancias gardadas nas dúas bolsas suman un peso de 62 gramos, 32 do que a Garda Civil cre que é heroína e 32 do que parece cocaína. Ademais, levaban amais novecentos euros en diñeiro fraccionado. A Garda Civil asegura que non puideron xustificar a procedencia dese diñeiro.
Os dous sospeitosos son un veciño de Taboada de 41 anos de idade e outro de Monterroso de 50. Os dous están denunciados por un delito contra a saúde pública e xa foron postas a disposición xudicial.