O centro organizará este venres unha conferencia divulgativa do arqueólogo Francisco Alonso, director técnico do proxecto
17 novs 2021 . Actualizado ás 12:10 h.O Ateneo Casino de Monforte acollerá este venres unha conferencia divulgativa sobre o proxecto arqueolóxico que se desenvolve actualmente na parroquia de Proendos, en Sober , onde se puxo ao descuberto un xacemento da época romana. A charla correrá a cargo do arqueólogo Francisco Alonso Toucido, director técnico das escavacións, quen explicará os resultados obtidos nas dúas campañas que se realizaron ata agora no lugar. No xacemento de Proendos, entre outros elementos, puidéronse desenterrar os restos dun depósito de cereais de grandes dimensións que se abrirá ás visitas turísticas. A conferencia será acompañada da degustación dun viño de Adega Proencia, pertencente á denominación de orixe Ribeira Sacra. O acto empezará ás 20.15 horas. Para asistir é necesario reservar praza no teléfono 648 435 033, preferiblemente por WhatsApp.