O veterinario empezará este xoves a percorrer as parroquias do municipio
18 may 2020 . Actualizado ás 12:11 h.O Concello de Sober iniciará este xoves a campaña anual de vacinación contra a rabia e de identificación e desparasitación canina do municipio. Ao estar prohibida a concentración de cans a causa do estado de alarma sanitaria, a vacinación farase casa por casa. Os interesados deberán chamar ao veterinario do percorrido —no número 689 10 35 94— o día que leven a cabo as vacinacións na súa parroquia. Desde o Concello sinalan que a vacinación se realizará polas mañás.
En canto aos prezos, a vacinación contra a rabia custa quince euros e a implantación de microchip e o pasaporte oficial asociado ou «cartilla», 33 euros. Tamén é posible consultar ao veterinario sobre outros tipos de vacina e sobre trámites sanitarios. O goberno local sinala que aínda que a vacinación é voluntaria, desde o 2002 é obrigatorio sen excepción ter os cans identificados con microchip.
O calendario da campaña detállase a continuación:
Xoves 21. Na primeira xornada, as vacinacións faranse nas parroquias de Canaval, Vilaescura, Rosende e Millán.
Luns 21. Parroquias de Refoxo, Sober, Proendos e Liñarán.
Martes 26. Parroquias de Anllo Santo Estevo e Anllo San Martiño.
Mércores 27. Parroquias de Figueiroá, Bolmente e Barantes.
Venres 29. Parroquias de Santiorxo, Pinol e Lobios.
Luns 1 de xuño. Parroquia de Gundivós.
Martes 2 de xuño. Parroquias de Amandi e Doade.
Xoves 4 de xuño. Parroquia de Neiras.
Venres 5 de juinio. Parroquias de Bulso e Santa Cruz.