Os tres ultimos mandatarios locais, fotografados tomándose un café nun establecemento de hostalería desta localidade
05 dic 2019 . Actualizado ás 17:32 h.Os tres últimos alcaldes de Sober coincidiron esta semana xuntos e sentados á mesma mesa. Raquel Arias, o que foi o seu sucesor á fronte do Concello, José Gómez e o actual alcalde, Luis Fernández Guitián, tomaron un café nun dos establecementos de hostalería de Sober. Segundo informa o propio Concello na súa conta de Facebook, os tres tiveron ocasión de comentar a actualidade do municipio. Raquel Arias foi alcaldesa de Sober entre 1999 e 2009, ano este último en que lle tomou a vez José Gómez, que naquel momento levaba nada menos que 35 anos como concelleiro. A Gómez sucedeuno Guitián no 2011. Os tres son do PP e deles só José Gómez está desvinculado da política activa, porque Raquel Arias xa non é alcaldesa, pero forma parte da corporación local como concelleira e é ademais deputada no Parlamento de Galicia.