O suceso produciuse no quilómetro 503 da estrada N-120
04 dic 2019 . Actualizado ás 11:30 h.Un automobilista resultou ileso nun accidente de tráfico que se rexistrou cara ás once menos vinte da mañá de hoxe na estrada N-120 ao seu paso polo municipio de Quiroga. Segundo informou o 112, o vehículo sufriu unha saída de vía e deu varias voltas de campá cando circulaba á altura do quilómetro 503, nas proximidades da piscifactoría Piscilor. De acordo coa mesma fonte, o condutor e único ocupante do vehículo conseguiu saír a través dunha fiestra e foi el mesmo quen deu o aviso do accidente. A Garda Civil de Tráfico sinala que no suceso só se rexistraron danos materiais.