A actividade ofrecerase de forma gratuíta entre os próximos días 5 e 9
01 dic 2019 . Actualizado ás 16:45 h.Entre o vindeiro xoves e o día 9, o pavillón municipal de Quiroga acollerá dúas pistas de patinaxe de xeo sintético con entrada gratuíta. A actividade forma parte do programa municipal de lecer. O primeiro día pola mañá, as pistas estarán reservadas para os alumnos do colexio público local de educación infantil e primaria. O sábado, tamén pola mañá, estarán reservadas para o alumnado de educación secundaria. O resto do tempo, de 11.00 a 13.30 e de 16.00 a 20.00 horas, as pistas estarán abertas para todas as persoas que queiran utilizalas. No pavillón instalarase ademais unha pista de inchables con obstáculos para os que non queiran patinar ou prefiran descansar desta actividade.