O incremento do caudal do río Selmo cambia o aspecto desta paraxe emblemática do municipio de Quiroga e do geoparque Montañas do Courel
27 novs 2019 . Actualizado ás 12:31 h.As abundantes precipitacións caídas durante as últimas semanas na serra do Courel —en forma de choiva e de neve— incrementaron a espectacularidade dos saltos naturais de auga repartidos por este territorio. Un deles é a fervenza de Vieiros, preto da aldea do mesmo nome, no municipio de Quiroga. O salto forma parte do curso alto do río Selmo, un afluente do Sil que ten o seu nacemento no monte Formigueiros, o máis elevado da serra, a uns 1.500 metros de altura. A fervenza figura por outra banda entre as paraxes de maior atractivo paisaxístico do geoparque Montañas do Courel.
Unha ruta circular de sendeirismo que pasa por esta paraxe empeza e acaba na localidade da Seara, á que se accede desde a capital do municipio pola estrada LU-623. O percorrido, con 4,96 quilómetros de traxecto e unha duración estimada de dúas horas e vinte minutos, permite observar o espectacular salto de auga desde diferentes puntos.