Julio Álvarez, na súa novena investidura: «Traballo, esforzo e Quiroga por riba de todo»
QUIROGA
Noveno pleno de investidura consecutivo para Julio Álvarez en Quiroga. O PP obtivo oito dos once concelleiros da corporación nas pasadas eleccións e seguirá gobernando cunha amplía maioría nese municipio. «Traballo, esforzo e Quiroga sobre todo e ante todo», prometeu o rexedor, a modo de rúbrica, ao termo da súa intervención.
Julio Álvarez tomou a palabra tras recibir o bastón de mando municipal para agradecer aos veciños o apoio que lle prestaron nas últimas eleccións municipais. «Despois de escoitar aos veciños, e de darnos unha vitoria inigualable nos 32 anos que levo como alcalde, comprométome de novo a seguir traballando na mesa liña», afirmou,
Ao redor dun centenar de persoas, entre familiares dos concelleiros do goberno municipal e simpatizantes do PP, seguiron o acto de toma de posesión do alcalde. Desde o ano 1987, cando se presentou como cabeza de lista por Alianza Popular, Julio Álvarez gañou por maioría en todas as eleccións locais.