O incidente produciuse nun edificio da rúa Real cara ás dúas e media da tarde
02 feb 2019 . Actualizado ás 15:41 h.Unha alerta de incendio produciuse pouco antes das dúas e media da tarde de hoxe no centro urbano de Quiroga debido a unha acumulación de fume nunha cheminea atrancada. O incidente rexistrouse nunha vivenda dun edificio situado no número 112 da rúa Real. Os operarios do grupo supramunicipal de urxencias acudiron en pouco tempo ao lugar e comprobaron que non se produciu un incendio, senón que se trataba dun problema menor causado polo atasco dunha chimena. Os bombeiros do parque comarcal de Monforte recibiron o aviso e varios operarios dirixíronse a Quiroga por se fose necesaria a súa intervención, pero cando se achaban de camiño a alerta foi desactivada, polo que iniciaron a volta.