O Concello repartirá en colaboración con Sogama vinte e cinco colectores de trescentos litros
02 mares 2021 . Actualizado ás 12:21 h.O Concello do Incio acábase de incorporar ao programa de compostaxe doméstica de Sogama, a través do que se distribuirán un total de vinte e cinco compostadores domésticos individuais. A repartición levará a cabo nos próximos días entre os veciños que o soliciten, de forma totalmente gratuíta. Os compostadores pódense instalar fóra das casas ou nas leiras anexas.
Segundo detalla o Concello, os colectores que se van repartir teñen unha capacidade de trescentos litros e os seus destinatarios recibirán con eles un manual de instrucións que explica como realizar correctamente o proceso de compostaxe.
Os responsables municipais sinalan que a compostaxe contribúe a reducir a pegada ambiental e reducir a factura do lixo. «Son residuos que non van producir contaminación e que se van aproveitar para xerar enriquecemento do solo dentro da propia vivenda. O proceso é limpo, non produce cheiros e non necesita mantemento», destacan.
Ao mesmo tempo, as entidades locais poden ver reducida frecuencia de recolección convencional de residuos e o importe da factura que deben pagar a pagar a Sogama pola súa manexo e tratamento. Os veciños interesados en obter as composteras domésticas poden solicitalas no Concello do Incio en horario de oficina chamando ao 982 42 70 14.