A pesar de que a rúa estaba chea de peóns e coches, non houbo ningún ferido
08 jul 2020 . Actualizado ás 11:02 h.Unha condutora derrubou onte un farol nun accidente de tráfico ocorrido no centro de Monforte. O suceso saldouse sen ningún ferido, a pesar das dimensións do farol, de que o tráfico era intenso e da cantidade de transeúntes que pasaban nese momento por alí.
O accidente produciuse un pouco antes das oito e media da tarde deste martes. O coche viña da rúa das Huertas e torceu á dereita para incorporarse á avenida de Galicia en dirección á ponte nova. Xusto ao entrar na avenida de Galicia, a condutora perdeu o control do vehículo, que se foi cara á beirarrúa e chocou contra o farol.
O golpe partiu pola base o farol, de algo máis de tres metros de altura, que caeu sobre a calzada sen acadar a ningún peón nin aos coches que circulaban nese momento por alí. A condutora saíu ilesa e o seu coche sólo sufriu algunhas desfeitas na parte frontal.
O accidente provocou retencións de tráfico na avenida de Galicia e a rúa das Huertas ata que chegou unha patrulla da Policía Local a regular a circulación.