É a cantidade que o Concello ten reservada para estas axudas no 2020
09 jun 2020 . Actualizado ás 17:14 h.Xa están en marcha no Concello os trámites para pagar as subvencións nominativas que lles corresponden este ano aos clubs deportivos do municipio. O equipo de goberno destina esta vez 114.372 euros, case 5.000 máis que na convocatoria do 2019. O que máis recibe este ano é o Club Lemos, ao que lle corresponden 17.500. Ségueno o Calasancio, con 15.700 euros asignados; o CV Ribeira Sacra, con 10.500; e o club de natación Monforte, con 10.020.
Representantes da concellaría de Deportes empezaron esta semana a comunicar ás entidades que recibirán estes fondos canto diñeiro correspóndelles e teñen previsto rematar de facelo antes do domingo. Unha vez teñan entregado toda a documentación necesaria, cada entidade asinará co Concello un convenio polo importe da subvención concedida. Despois diso, o seguinte paso será a xustificación da subvención concedida, que os clubs deberán presentar antes do 31 de outubro.
Estas axudas están destinadas a sufragar gastos de actividades de fomento do deporte e para contribuír aos gastos de participación en competicións oficiais e o desenvolvemento de actividades deportivas durante a tempada 2019-2020.
Lista completa por clubs, coas subvencións ordenadas de maior a menor
- Club Lemos 17.500 euros
- C.P. Calasancio 15.700 euros
- C.V. Ribeira Sacra 10.500 euros
- C.N. Monforte 10.020 euros
- Club de Fútbol Monforte 8.700 euros
- C.B. Val de Lemos 7.300 euros
- Club Korbis 7.000 euros
- Club de Montaña Quixós 5.000 euros
- Club X.R. Quicela 5.000 euros
- Team Monforte Rali 5.000 euros
- Club Taekwondo Neka 3.000 euros
- A.D. A Gándara 2.400 euros
- A.D. Río Cabe 1.700 euros
- A.D. Veteráns 1.600 euros
- Caza e Pesca Val de Lemos 1.500 euros
- A.C. Castelao 1.300 euros
- Club Pesca Monforte 1.100 euros
- Club de Pesca Río Cabe 1.100 euros
- A.D. A Ponte Vella 962 euros
- Castelo Bike Club 962 euros
- C.C. Torre San Vicente 962 euros
- Club Ciclista Monforte 962 euros
- A.D. Torre de Lemos 800 euros
- A.D. Escolapios 800 euros
- A.D. Colexio Ferroviario 800 euros
- Club Fluvial Monforte 800 euros
- Club Templarios Pool 540 euros
- Club de Tenis Catro Ventos 525 euros
- S. Colombófila Aires de Lemos 437 euros
- Club de Tiro Olímpico Cabe 400 euros