A rápida chegada dos bombeiros impediu que as chamas acadasen a vivenda
10 ene 2019 . Actualizado ás 20:41 h.Un almacén agrícola sufriu importantes desfeitas onte nun incendio que estivo a piques de acadar unha casa na parroquia monfortina do Chao do Fabeiro. O lume produciuse pouco antes das sete e media da tarde e a rápida intervención dos bombeos, que teñen a súa base a pouca distancia do lugar do sinistro, impediu que as chamas acadasen a vivenda.
Os bombeiros do parque contraincendos, que está a uns centos de metros de distancia do lugar do suceso, traballaban á primeira hora da noite para apagalos rescaldos e asegurarse de que o lume non rebrotaría. En todo caso, neses momentos parecía a salvo a vivenda situada ao lado do alpendre no que empezou o incendio.