As actividades desenvolveranse entre outubro e decembro e haberá 336 prazas dispoñibles
26 sep 2017 . Actualizado ás 14:07 h.A concellaría de Servizos Sociais mantén aberto o prazo de inscrición para as actividades de tempo libre do programa Activa Monforte, que desenvolverán entre outubro e decembro. Haberá un total de 336 prazas, das que duascentas corresponden ás parroquias e o resto ao centro cívico do paseo do Malecón. A inscrición é gratuíta e as solicitudes poden presentarse neste local, de 9 a 14 horas, acompañadas dunha fotocopia do DNI e un certificado de empadroamento. A lista de admitidos darase a coñecer o día 29. As actividades programadas divídense en tres bloques segundo a idade, que se dirixen respectivamente a maiores de 14, de 50 e de 60 anos. As primeiras comprenden iniciación ao pilates, manualidades, reciclaxe, costura creativa e bailes. As actividades do segundo bloque inclúen por primeira vez clases de ofimática de nivel 2. As do terceiro bloque comprenden gerontogimnasia, ximnasia acuática, talleres de memoria e risoteatro. Para participar é preciso non contar con praza nas actividades que se ofrecerán durante o mesmo período no centro.