Ía pola estrada de Taboada a Monterroso cando o parou a Garda Civil
22 novs 2021 . Actualizado ás 11:47 h.Un veciño de Chantada enfróntase a unha investigación xudicial despois de ter sido sorprendido ao volante cunha taxa de alcol que triplica de longo o límite legal. Os axentes déronlle o alto porque lles pareceu que o seu coche ía facendo eses.
Portavoces da Garda Civil de Lugo anunciaron este luns pola mañá a presentación dunha denuncia contra este veciño de Chantada, que ten 34 anos, ao que uns axentes deron o alto cando conducía un coche pola estrada que comunica Taboada coa comarca da Ulloa, a LU-212, no tramo que discorre polo municipio de Monterroso .
Segundo a información que facilita a Garda Civil, o home circulaba "de forma neglixente, en zigzag". Cando o pararon, fixéronlle unha proba de alcoholemia. O resultado foi que presentaba unha taxa de 0,85 miligramos de alcol por litro de aire expirado, un valor que triplica de longo o mínimo legal permitido, que é de 0,25.