A asociación Afachantada conmemorará esta data con varias actividades que se celebrarán o venres
18 sep 2019 . Actualizado ás 15:38 h.A asociación Afachantada conmemorará este venres o Día Mundial do Alzhéimer cunha serie de actividades organizadas en colaboración co Concello, a Deputación, a Xunta e a asociación Camiños a Santiago pola Ribeira Sacra. O programa de actos abrirase ás 11.00 horas cunha camiñada entre a igrexa de San Salvador de Asma e a Casa de Cultura. Ás dúas da tarde haberá unha comida de confraternización no hotel Mogay. Doutra banda, ás 18.00 horas comezará unha xunta xeral de socios de Afachantada no auditorio municipal. Media hora despois, Aida Menéndez —presidenta de Camiños a Santiago pola Ribeira Sacra— dará unha conferencia sobre «Memoria non Camiño de Inverno», que será seguida dun espectáculo circense a cargo de Ramón Gato e dunha actuación do grupo musical Kalapordiós. Ás nove de noite haberá un percorrido polo paseo fluvial e a continuación de ofrecerá unha degustación do carne de porco ao espeto e unha actuación do grupo O Trespés.
Para participar estas actividades hai que retirar unha invitación, ao prezo de cinco euros, nos bares Capitol, Mar, Landra e Agocho. Para asistir á comida é preciso realizar unha reserva previa e abonar quince euros.