Ao contrario do habitual, o premiado é esta vez un viño branco, o godelo de Adega Vella
23 oct 2021 . Actualizado ás 17:29 h.A edición deste ano da Catas Concurso dos Viños Tintos e Brancos Galegos que se celebra no seo da comunidade galega no País Vasco premiou esta vez a un branco da Ribeira Sacra. Este certame adoita contar con participación deste denominación de orixe, que habitualmente obtén galardóns na categoría de tintos, pero nesta ocasión na lista dos mellores aparece o godello da adega Adega Vella.
A cata deste ano celebrouse o pasado 18 de setembro, dentro da conmemoración anual do Día de Galicia en Euskadi. O taboadés, José David Fidalgo, promotor deste concurso, xunto con José Antonio Rodríguez, presidente da Casa de Galicia en Bilbao, acudiron estes días á Ribeira Sacra para entregar o premio á representante de Adega Vella.
Os centros galegos no País Vasco recuperaron o concurso este ano, tras o parón obrigado do 2020. A cata de viños tintos
Na convocatoria deste certame colaboran diferentes entidades galegas no País Vasco. A cata de viños tintos está organizada pola Irmandade de Centros Galegos en Euskadi e a cata de viños brancos pola Casa de Galicia en Bilbao.