A Asociación Provincial de Empresarios de Hostalería de Lugo fixo público o seu apoio á campaña que puxo en marcha en Monforte a delegación da Asociación Española Contar o Cancro (AECC). Ante a suspensión das festas de agosto pola situación sanitaria, este colectivo propón unha celebración alternativa mediante a que recada fondos para as actividades dirixidas a pacientes oncolóxicos. A AECC vende con ese fin unhas pañoletas de cor verde e de gran tamaño para que poidan ser colocadas en fiestras e balcóns os días nos que ían ter lugar as patronais.
Na sede local da asociación provincial de hostalería en Monforte, situada no torreón do Cárcere Vello, loce a pañoleta que vende a AECC. Tamén se pode ver en varios dos establecementos asociados. A delegada en Monforte desta agrupación empresarial, Beatriz Vila, anima a todos os locais a tomar parte nesta campaña.
Segundo sinalan na Asociación Española contra o Cancro, con esta iniciativa búscase dar visibilidade ás persoas con enfermidades oncolóxicas mantendo o aire festivo característico destas datas.