Doade reúne un arquivo gráfico histórico con fotos privadas de familias oriúndas da parroquia
LEMOS
A asociación veciñal Nosos Pobos desenvolve un proxecto que ten por fin recompiar a maior cantidade posible de fotografías relacionadas coa parroquia soberina de Doade, para o que se recorre en gran parte ás coleccións familiares. A iniciativa, denominada «Doade na memoria», conta cunha axuda económica da Deputación e leva a cabo en tres fases, segundo indica o presidente da asociación, Víctor Rodríguez. «A primeira abrangue a metade dá parroquia e foi rematada en 2018, a segunda a outra metade -explica- e estase a levar a cabo, e a terceira fusiona as outras dúas e aspectos adicionais nun só documento e agardamos que se remate en 2020».
Ademais de recompiar fotos cedidas polos veciños, os promotores do proxecto intentan identificar polo menos á maioría das persoas que aparecen nelas. Para iso, apunta Rodríguez, organízanse no centro social unhas reunións nas que os veciños de máis idade axudan a recoñecer ás persoas que figuran nas imaxes. «Lestes encontros serven para que vos maiores, mentres exercitan a memoria, nos axuden a encher as lagoas que nese senso temos nós», agrega.
En cada unha das fases do proxecto «Doade na memoria» xéranse tres produtos. Un deles consiste nun álbum que comprende unha galería de retratos dos membros de todas as familias representadas nas fotos, unha serie de imaxes grupales e textos con datos genealógicos. Por outra banda, edítanse unhas «fotorrevistas» que agrupan por separado as fotos correspondentes a cada familia e tamén se elaboran pósteres con galerías de retratos para exhibilos no centro social.
En formato dixital e en papel
Todas as fotografías que se recuperan para este arquivo gráfico, por outra banda, están a ser reproducidas en formato dixital e en papel. Víctor Rodríguez sinala que na actualidade xa se recolleron imaxes da maioría das familias residentes da parroquia ou que son oriúndas dela. En moitos casos -engade- foi preciso recorrer a persoas que viven fóra porque as casas que pertenceron ás súas familias levan pechadas moito tempo.