O detido, un home de 30 anos, tería invitado á menor a subir a un coche co pretexto de darlle un agasallo
19 ago 2018 . Actualizado ás 05:00 h.O Xulgado de Monforte decidirá hoxe sobre o ingreso en prisión do veciño desta localidade que foi detido por unha agresión sexual da que foi vítima unha sobriña súa de once anos. A declaración do arrestado producirase en canto conclúa a investigación aberta pola Policía Nacional, en cuxa comisaría permanece retido desde o venres por ter tratado supostamente de forzar á menor.
Axentes da brigada xudicial realizaron durante a xornada de onte diversas comprobacións sobre a veracidade dos feitos que recolle a denuncia. Os axentes inspeccionaron, entre outros lugares, a nave abandonada escenario da presunta agresión sexual á vítima.
O detido, de trinta anos, invitouna a subir ao coche no que se desprazaron a ese lugar co pretexto de entregarlle un agasallo. Ao parecer, a denuncia faise eco doutros intentos de agresión sexual á nena por parte deste familiar. La menor non se decidiu ata agora a desvelar os abusos.