Agarda que os donos consigan vendelo a alguén capaz de realizar o proxecto
14 sep 2017 . Actualizado ás 05:00 h.Os donos do edificio do antigo mosteiro de San Salvador de Asma estableceron contactos con compradores interesados en facerse co inmoble. E polo menos algún dos que mostraron interese ten en estudo a súa transformación en albergue para peregrinos. Non o din os propietarios, que gardan silencio total desde que fai quince anos fixéronse con este monumento de mil anos de antigüidade, senón o alcalde de Chantada. Interpelado pola oposición municipal, Manuel Varela tivo que explicar esta semana nun pleno municipal as xestións que levou a cabo este verán para aclarar o futuro deste histórico edificio.
O concelleiro de Por Chantada, Antón Fente, reclamaba ao equipo de goberno que negociase cos donos do Convento e que ao mesmo tempo se puxese en contacto coa Xunta e o goberno central para pedirlles que asuman o custo da compra deste edificio. Fente suxería ademais unha reflexión colectiva sobre que uso darlle se finalmente pasa a ser unha propiedade pública.
A proposta de Fente foi aprobada pola corporación, pero despois de que o grupo de goberno propuxese modificacións sobre o texto orixinal. «A nós -explicaba o alcalde despois do pleno- parécenos máis axeitado de que algún investidor privado se faga cargo do mosteiro e ou destine a albergue, e hai boas perspectivas nese sentido».
Na conversación que mantivo no seu momento cun integrante da familia de Rodeiro propietaria do edificio, Manuel Varela pediulle que no caso de que acaden un acordo con algún comprador privado, avisen ao Concello antes de consumar a venda. «Chegado ese caso e infórmesllevos técnicos din que se pode facer, igual ou Concello lles fai unha oferta», explica o alcalde.
Representantes dos donos aseguran que hai contactos con compradores