Tanques en Mykolaiv

Oleksandr Pronkevych
Oleksandr Pronkevych DIARIO ÍNTIMO DE GUERRA

INTERNACIONAL

Tanques rusos en la región de Rostov, en el suroeste de Rusia
Tanques rusos na rexión de Rostov, no suroeste de Rusia YURI KOCHETKOV | Efe

Oleksandr Pronkevych, catedrático de Literatura Española na Universidade de Mykolaiv, relata a dramática situación tras o estalido da guerra Ucraína

28 feb 2022 . Actualizado ás 22:02 h.

Este sábado pasou o que nos asustaba máis: os tanques rusos entraron a Mykolaiv. Ata as dúas da tarde non pasou nada, pero nese momento as autoridades anunciaron que os rusos ían bombardear a cidade utilizando lanzacohetes e que a xente tiña que ir esconderse aos sotos. Por sorte, os foguetes non chegaron. Pola tarde recibimos outro anuncio: os tanques estaban preto. Tivemos que ir a outro soto para refuxiarnos. Acomodámonos bastante ben, sacamos unha botella de whisky e empezamos a agardar aos tanques.

O meu amigo ten o acceso a Telegram e desde a rede social seguimos a canle da Administración, que nos transmitía as noticias en vivo. Cando oín os tanques en Mykoliav, lembrei as imaxes de Grozni, da cidade  na que os rusos se converteron en brancos doados. A realidade superou todas as nosas expectativas.A través da plataforma soubemos que os tanques pasaron á zona central da cidade e que os equipos da defensa territorial estaban a perseguilos. O máis absurdo é que os tanques non podían proseguir nin cara a Kiev nin cara a Odesa porque as pontes levadizos foron levantados. Ante a situación, deron a volta e intentaron  saír da cidade por onde entraron, en  dirección a Jersón. Por fin,  a defensa territorial localizounos e puideron destruír un tanque, aínda que os dous restantes fuxiron. O máis esperpéntico da escena é que se dá a circunstancia de que o tanque ruso foi destruído preto doutro, un T-34, que é un monumento aos caídos da Segunda Guerra Mundial.

Como comentou o xefe da administración rexional, «os tanques penetraron na cidade, tratamos de perseguilos, os dous escapáronse». Surrealismo completo. Escoitando as noticias, nós seguiamos tomando whisky e falando sobre un futuro cheo de incerteza. Esta anécdota deixa moitas preguntas. Como poden conquistar a cidade tres tanques? Que obxectivo militar? Que buscaban elas nas rúas baleiras da miña cidade pola noite? Dous escaparon, pero un tanque foi convertido en chatarra. Alguén ten a culpa do destino dos individuos que estaban dentro da caixa de ferro con canón e orugas? Que pensan os xenerais rusos, ou non saben pensar e soamente saben emborracharse?

O sábado pola mañá na canle televisiva ruso saíu un comentarista experto militar que explicaba o fracaso do avance dos rusos polo feito que  non comprenden o que fan. Seguen ordes de Putin, pero imitan actividades e non lles importa que a súa estupidez custe miles de mortes. Todo este episodio con tanques na cidade de Mykolaiv podería ser ridículo se non fóra tan tráxico. Os xenerais actúan como bárbaros primitivos mandando a unha carnicería aos seus soldados. A rabia de Putin crece, e máis e máis foguetes caen nas cabezas da xente. A guerra convértese en guerrilla urbana. Ucraína está a afundirse en  sangue.

Anteriores entregas