Sandra Torres (Melchor de Mencos, 1955) intenta por terceira vez converterse na primeira muller presidenta de Guatemala. É unha política de longo percorrido. A súa nai foi alcaldesa, o seu pai comerciante, e varios dos seus familiares dedícanse activamente á xestión pública.
Foi unha das fundadoras, no 2002, da Unidade Nacional da Esperanza (UNE), que agora dirixe. Un ano despois casou con Álvaro Colom. Foi a súa xefa de campaña nas eleccións que o levaron á presidencia. Administrou, sen ser funcionaria, as políticas sociais durante o mandato do seu marido, entre o 2008 e o 2012. Divorciouse, un ano antes de finalizar mandato, para presentarse á presidencia. Non conseguiu o seu obxectivo. A Xustiza guatemalteca non permitiu a súa inscrición. As leis do país impiden a postulación dun familiar directo dun exmandatario. Si o intento no 2015, pero perdeu en segunda volta ante o outsider Jimmy Morales .
Torres, comerciante e expropietaria de maquilas, é coñecida polo seu forte carácter, que os seus detractores elevan a autoritarismo. Foi acusada pola Fiscalía de financiamento electoral non rexistrada e ten tamén aberta unha investigación por lavado de diñeiro. Ela nega todas as acusacións; propón sacar ao Exército ás rúas e unha reforma integral do Estado que elimine 40.000 postos pantasma.