A actriz porno destapa nun libro as impresións máis persoais da súa relación con o presidente de Estados Unidos
19 sep 2018 . Actualizado ás 12:11 h.A actriz porno Stormy Daniels, desvelou nun libro os detalles máis persoais do seu contacto con Donald Trump, como que «o sexo co presidente foi o menos impresionante da miña vida», ou describir os seus xenitais e comparalo cun personaxe do videoxogo Mario Kart que ten cabeza de fungo. Esta bomba informativa sairá á luz o próximo 2 de outubro, data na que sae á venda nos Estados Unidos o libro Full disclosure (A divulgación completa), do que o diario The Guardian xa ten unha copia.
Trump nega ter tido unha relación sentimental con Daniels, pero o seu avogado Michael Cohen declarouse culpable de violar regras sobre o financiamento da campaña electoral e revelou que, pouco antes das eleccións presidenciais do 2016, pagou a Daniels 130.000 dólares para comprar o seu silencio sobre a súa relación co magnate convertido a político.
Daniels, de 39 anos, e que colabora coa fiscalía de Nova York na investigación, relata que tivo un encontro sexual con Trump en Lake Tahoe (California, Estados Unidos) onde se celebraba un torneo de golf, uns meses despois de que a esposa de Trump, Melania, dese a luz ao fillo de ambos, Barron.
No libro, Daniels afirma que o affaire co actual presidente comezou cando un das súas gardacostas invitouna a cear co famoso empresario inmobiliario e produtor televisivo. A noite rematou no penthouse de Trump. «Pode ter sido o sexo menos impresionante que tiven na miña vida, pero claramente el non compartiu esa opinión», escribe Daniels, que di sentirse logo asqueada.
A actriz porno confesa que se mantivo en contacto con Trump ao longo do seguinte ano coa esperanza de participar no seu programa de televisión. Neste sentido, explica que Trump ofreceulle un lugar no programa e mesmo lle suxeriu que podía facer trampa para permanecer no show durante máis episodios. «Ía facer que eu fixese trampa, e foi 100% a súa idea», sostén no libro.
Daniels -o seu verdadeiro nome é Stephanie Clifford- di que a vitoria de Trump nas presidenciais foi para ela unha sorpresa incrible. «Nunca sucederá», comentara a actriz porno aos seus achegados. «Nin sequera quere ser presidente».
«O máis importante (sobre o libro) non é a descrición da súa relación sexual con Trump», afirmou o avogado da actriz, Michael Avenatti, tras facerse público o artigo de The Guardian . «É a descrición da súa vida e o seu rol como muller moderna sen medo de dicir a verdade ante o poder», afirmou.