A oposición kenyana denuncia polo menos un centenar de mortos nas protestas tras as eleccións

Polo menos un centenar de persoas, entre elas dez nenos, terían morto nas violentas protestas rexistradas en Kenia tras as eleccións, segundo informou este sábado o líder da oposición no Senado kenyano, Johnson Muthama.

Na mesma rolda de prensa, o portavoz da coalición opositora Súper Alianza Nacional (NASA, nas súas siglas en inglés), James Orengo, acusou ás forzas de seguridade kenyanas de orixinar os disturbios.

Kenia vota entre o fervor democrático e o medo a novos disturbios étnicos

JAVIER CASTRO / R. P.

As tensións hanse recruado despois de que a Comisión Electoral proclamase ao actual presidente, Uhuru Kenyatta, como vencedor dos últimos comicios, a pesar das acusacións de fraude vertidas polo principal líder opositor, Raila Odinga.

A oposición pediu máis información sobre un suposto ciberataque que tería comprometido os resultados pero Orengo xa avanzou que non apelará os resultados dos comicios pola vía legal. «Iso está completamente descartado», declarou.

---

---

---