A actriz loce desde hai unhas semanas un rompedor look debido ao seu próximo proxecto de cine
13 oct 2017 . Actualizado ás 20:12 h.Úrsula Corberó poucas veces deixa indiferente coas súas publicacións en Instagram. Os seus cambios de look ou as súas fotografías máis familiares acumulan miles de gústanme e reaccións nas redes sociais. A última é unha boa mostra dela. A imaxe de Úrsula Corberó co torso espido, fumando e expulsando o aire por diante da cara, con lentes de sol e co seu novo pelo curto pixie e en louro platino provocou en poucas horas case 40.000 gústasme e centos de comentarios. E a suxestiva fotografía vai acompañada dunha pregunta ao seu noivo, o actor arxentino Chino Darín, fillo de Ricardo Darín: «Podo ser a túa musa?».
Co que igual non contaba Úrsula Corberó é coa onda de críticas que desatou esta publicación entre os seus fans. Algúns recomendábanlle non fumar e mesmo lle recomendaban que se pasase ao vapeo. Mesmo algúns acusábana de facer publicidade da marca do cigarro que fumaba. Outros criticaban o seu novo corte de pelo: «Eu non se que vola dado co pelo curto, desfavorece moito, o teu, maria leon etc... parece a peor moda que existiu».
Úrsula Corberó e Chino Darín comezaron a saír xuntos en febreiro do 2016 e desde entón compartiron en numerosas ocasións o seu amor polas redes sociais.
