O centrocampista do filial celeste sofre unha fractura de peroné
02 dic 2020 . Actualizado ás 05:00 h.O Celta B non poderá contar con Alberto Solís durante dous meses. O centrocampista sevillano, que tivo que retirarse lesionado aos 35 minutos da partida fronte ao Zamora na xornada anterior á disputada a pasada fin de semana, padece unha fractura de peroné. Os seus compañeiros dedicáronlle o triunfo ante o Salamanca, posando cunha camiseta co seu dorsal e o seu nome tras o encontro.
Solís non está a ter sorte coas lesións. Na tempada 2017/2018, na que deu o salto ao segundo equipo, sufriu en outubro unha grave lesión da que recaeu, sen poder volver aos terreos de xogo ata agosto. Xa no 2019, arrastrou problemas físicos que lle impediron realizar a pretemporada co primeiro equipo.