Lucas Olaza aparece no da web especializada en estatística
01 dic 2020 . Actualizado ás 08:47 h.A gran actuación de Iago Aspas o domingo fronte ao Granada non pasou desapercibida para ninguén. O moañés figura tanto no once ideal da xornada 11 da Liga Fantasy como no da web especializada Who Scored, onde é MVP rozando a perfección, cunha nota media de 9,6, e onde ademais lle acompaña outro céltico, Lucas Olaza, que obtén un 8 no seu mellor partido da tempada.
No equipo ideal da Liga Fantasy, Aspas está acompañado por Ter Stegen (Barcelona) en portería; os defensas do Eibar Esteban Burgos e Rober Correa xunto aos sevillistas Diego Carlos e Koundé; Coutinho (Barcelona), Perera (Cádiz) e Óscar Plano (Valladolid ) no centro do campo e un ataque no que lle acompañan Griezmann (Atlético) e Lucas Pérez (Alavés).
Con respecto ao once anterior, repiten no de Who Scored, ademais de Iago, Correa, Burgos e Griezmann. A maiores, xunto co moañés e Lucas Olaza, completan o equipo Fernando Pacheco (Alavés) en portería; Marcos Mauro (Cádiz) en defensa; Messi (Barcelona), Bryan Gil (Eibar) e Casemiro (Real Madrid) no centro do campo e Yoshinori Muto (Eibar) en ataque.
É a segunda xornada consecutiva na que Aspas aparece no once ideal de Who Scored e a terceira esta tempada tras a partida fronte ao Valencia no que marcou dous goles. Ese duelo tamén lle valeu ser parte do once ideal da Liga Fantasy, no que agora se coa por segunda vez este curso. Á parte do dianteiro e de Olaza esta semana, o Celta só tivo dous recoñecementos máis deste tipo: Aidoo na Liga Fantasy na primeira xornada (contra o Eibar) e Sergio Carreira na sétima data do campionato, fronte ao Levante.
