Cáceres, Cavallero, Juanfran, Velasco, Luccin, Edú, Milosevic, Sylvinho e Pinilla despedíanse do Celta con descenso
23 may 2020 . Actualizado ás 11:04 h.2004: O Celta chegaba á última xornada de Liga da tempada 2003/2004, na que disputara a Champions por primeira vez na súa historia, coa necesidade dun milagre para manter a categoría. Aínda que dependían doutros resultados, a primeira premisa era gañar, e non o conseguiron fronte ao Mallorca (2-1). Tras ese desenlace, o persoal experimentou moitos cambios e ese encontro foi o último para seis xogadores.
Fernando Cáceres, Pablo Cavallero, Juanfran García, Juan Velasco, Edú, Peter Luccin, Milosevic, Sylvinho e Pinilla vestían a elástica celeste por última vez ese día, algúns deles tras longas e frutíferas etapas nas que saborearan os meles de Europa. Dos 14 xogadores que tiveron minutos ese día, unicamente Anxo, Sergio Fernández, Gustavo López, Oubiña e Jandro seguiron en Segunda.
Ademais, houbo outras baixas no persoal ese verán, a máis destacada a de Mostovoi, que disputara o seu último partido uns días antes en Riazor fronte ao Deportivo. Moncho Carneiro fora o técnico do equipo naquela recta final de tempada tras Lotina e Antic.
