Afeccionados do club lamentan a través das redes sociais o apoio do xogador do Celta aos ataques do seu país contra os kurdos
16 oct 2019 . Actualizado ás 09:51 h.O xesto de Okay Yokuslu, xunto cos seus compañeiros da selección turca, no partido disputado o luns non pasou inadvertido para o celtismo. O feito de ver ao xogar facendo o saúdo militar en apoio aos ataques do seu país contra os kurdos na fronteira con Siria molestou a un sector da afección do Celta , que mostrou o seu rexeitamento con contundencia a este comportamento e tamén con algúns chíos na mesma liña publicados no perfil oficial do futbolista.
Algúns afeccionados creen que o Celta debería tomar algunha medida ou mesmo expresan que non lles gustaría que Yokuslu volvese defender a camiseta do equipo vigués. Toman como referencia a decisión do St Pauli alemán de apartar ao seu xogadorCenk Sahin polo mesmo motivo, aínda que no seu caso el mesmo compartiu nas súas redes sociais a imaxe na que realizaba o saúdo. «Estamos ao lado dos nosos heroicos militares e do noso exército. Estades presentes nas nosas oracións!»,escribiu o xogador resumindo a razón de ser do xesto.
