O Celta , os seus xogadores e a súa afección mostran o seu cariño a Luis Enrique tras a perda da súa filla
BANCADA DE RÍO
O club, futbolistas, penas e afeccionados envórcanse para enviar a súa forza ao que foi adestrador do club vigués na tempada 2013/2014
29 ago 2019 . Actualizado ás 22:24 h.«Toda nosa ‘afouteza' e cariño para ti e os teus, míster. A familia celeste, sempre contigo. Moita forza». Con estas palabras enviaba o pésame o Celta esta noite a Luis Enrique minutos despois de que o que foi adestrador do equipo vigués na tempada 2013/2014 comunicase a través da súa conta de Twitter o falecemento da pequena dos seus tres fillos, Xana, tras cinco meses de loita contra un osteosarcoma. Foi a causa de que abandonase a selección española na que dirixiu a Iago Aspas.
O club vigués, tras expresar o seu pesar en Twitter, emitía un comunicado a través da súa páxina web. «Loito na familia celeste polo falecemento nas últimas horas de Xana Martínez, filla do exentrenador do RC Celta Luis Enrique. O club quere expresar o seu pesar e consternación por esta dolorosa perda e transmitirlle a Luis Enrique e á súa familia a súa máis sincero pésame, así como todo o seu cariño e ánimo. DEP», pódese ler nese texto. A filla de Mouriño, Marian, pola súa banda, escribía isto:
O futbolista Fran Beltrán foi dos primeiros célticos en mostrar a súa dor pola tráxica noticia. «Non hai palabras para algo así. Moitísima forza. Acompañaravos sempre», foron as palabras elixidas polo centrocampista do Celta . Logo chegaron as palabras doutros compañeiros como Denis Suárez -que coincidiu co técnico no Barcelona- ou Pape Cheikh. O antigo director da canteira e actual membro do corpo técnico Carlos Hugo García Bayón sumouse tamén, como Iago Aspas, con quen coincidiu na selección.
O excéltico Santiago Cañizares, que tamén pasou no seu día polo drama da perda dun fillo, lamentou a noticia e expresou que non tiña palabras. Outros ex como Quiqe de Lucas, Juan Sánchez ou Engonga tamén lle mandaron mensaxes de ánimo. Rafinha, que estivo ás ordes de Luis Enrique no Celta , chouchiaba un corazón roto e Augusto, integrante tamén daquel equipo celeste 2013/2014 envioulle, así mesmo, as súas condolencias, o mesmo que Toni Dovale, ao que tamén dirixiu en Vigo.
Desde a penas celtistas estánselle facendo chegar, así mesmo, moitísimas mostras de cariño:
https://twitter.com/celtilikos/status/1167164780051931138]]
