O club destaca a gran tempada do xogador do filial tras superar unha grave lesión
11 feb 2019 . Actualizado ás 17:22 h.O Celta comunicou esta tarde a renovación do centorampista do filial Alberto Solís para as próximas catro tempadas. O sevillano, que chegou ao equipo en xuvenís, comprométese polas próximas catro tempadas e desde o club destácase a «gran campaña» que está a realizar tras superar unha grave lesión que lle mantivo inactivo durante sete meses.
Solís chegou a Vigo no 2015 e desde entón «a súa progresión foi constante», di a entidade, que subliña o seu gran protagonismo nos distintos equipos das categorías inferiores nos que xogou. Tras reaparecer este curso despois da lesión e comezar como suplente, volveuse a facer un oco no once titular de Rubén Albés, no que xa é un fixo e hai unhas semanas estreouse como goleador na categoría por partida dobre.